2020 senesinece bala bağçalarına artıq nevbetler olmaycaq, – Volodımır Groysman

Bu meseleniñ çezilüvi üzerinde ükümet yerli akimiyetlernen birlikte çalışa

uatv
05.09.2018

 

Foto Ukrinform-UATV

2020 senesinece bala bağçalarında nevbetlerni yoq etmek içün ükümet yerli akimiyetlernen beraber çalışa. Bunıñ aqqında bugün, sentâbrniñ 3-nde, Ukraina baş naziri Volodımır Groysman bildirdi, haber ete Ukrinform.

“Birinci sınıf talebeleri mektepke ketkende bala-bağçalarında oquvlarını bitireler, amma şimdi, yazıqlar olsun, olar daa az sayısında. Amma körgenimiz kibi 2020 senesinece, ükümet tayin etkeni kibi,  yerli akimiyetlernen birlikte bala bağçalarğa nevbetlerni yoq etecekmiz”, – dedi Volodımır Groysman.

Bu oquv yılınıñ başında bala-bağçalarına qatnamaq içün nevbetlerde 46 biñ bala olğan edi. Keçken senesi ise, aynı bu vaqıtta, nevbette 52 biñ 200 bala oldı.

Qayd etmek kerek ki, Ukraina tasil ve ilim Nazirliginiñ malümatına köre, eki yıl içinde bala-bağçalarına nevbetler eki qat eksildi.

Menba Ukrinform
tarih 05.09.2018
kategoriyalar CEMİYET, ŞERİKLERNİÑ HABERLERİ
paylaşmaq
UA|TV top haberleri