2020 senesi ükümet yollar tamirlenmesine 75 mlrd grivna ayırmağa teklif ete, – Groysman

uatv
03.07.2019
Foto Urâdovıy portal

Ukraina Nazirler Kabineti 2020 senesiniñ devlet bücetine Yollar fondunıñ desteklensesi içün eñ azından 75 mlrd grn ayırılmasını teklif etecek.

Bu aqta M-06 “Kyiv-Çop” yolunıñ tamirlevini nezaret etken vaqıtta baş nazir Volodımır Groysman ikâye etti, dep haber ete Ukâdovıy portal.

Onıñ sözlerine köre, bu yahşı yollarnıñ qurulışını arttırmağa imkân bercek.

Groysmannıñ hatırlatqanına köre, eki yıl içinde Ukrainada aman-aman 7 biñ kilometr yol tamir etildi ve quruldı. Bu sene yapılğan işlerniñ masrafları 56 mlrd grivnanı teşkil ete.

Bundan ğayrı, baş nazir bildirgenine köre, bu yolnıñ qurulışı içün paralarnı halqara ortaqlar – Avropa yatırım bankı ve Avropa rekonstruktsiya ve inkişaf bankı berdi. 2020 senesi iyün ayında mında yañı yolnıñ qurulışı bitmek kerek. Yolnıñ işke kirsetilmesinden soñ qurucılıq şirketi daa eki yıl devamında yolnıñ vaziyetini nezaret etecek.

Menba Urâdovıy portal
tarih 03.07.2019
kategoriyalar İQTİSADİYAT
paylaşmaq
UA|TV top haberleri