2014 senesinden berli Avropa Birligi Donbassqa 400 million yevrodan ziyade gumanitar yardım yolladı
Donbasstaki cenk başlamasından bugünge qadar Avropa Birligi aza memleketleri 400 million yevrodan ziyade gumanitar yardım berdi.
Bu aqta Ukrinform haber ete.
“Avropa Birligi ve onıñ aza devletleri çatışmanıñ başlamasında bugünge qadar 406 million yevrodan ziyade gumanitar yardım berdi. Olardan 45 faizi, yani 183 million yevro, ükümet idaresi astında olmağan bölgelerge yollandı”, – yazıla malümatta.
Bunıñ ile, Qızıl Haç Halqara komiteti de muntazam tarzda Donbassqa gumanitar yardım yollağanı qayd etile.
Avropa Birligi Rusiyeni gumanitar yardımnıñ halqara berüv mehanizmine qoşulmağa davet etti.
Hatırlatamız: Avropa Birliginiñ sanktsiyaları Minsk añlaşmaları bütünley yerine ketirilmegence amelde olacaq.
| Menba | UATV |
| tarih | 15.11.2019 |
| kategoriyalar | UKRAİNA VE AB |
| paylaşmaq |