BQO zonasında işğalciler Ukraina arbiylerine 24 kere ateş açtı

uatv
12.07.2019
Foto Ukrinform-UATV

Keçken 24 saat içinde, iyülniñ 11-nde, BQO zonasında Rusiye Federatsiyasınıñ silâlı şekillenmeleri tarafından yapılğan atışlar netidesinde bir ukrain arbisi elâk oldı, daa ekisi yaralandı, dep haber ete BQO matbuat hızmeti.

11 kere ateş Minsk añlaşmalarınen yasaq etilgen 122 kalibr artileriya sistemalarından, 120 ve 82 kalibr mina topularından yapıldı.

Bundan ğayrı, duşman ukrain qorçalayıcılarına granata topuları, BMP sistemalarından, büyükkalibrli pulemetlardan ve atıcılıq silâsından attı.

Hususan, “Shid” bölgesi rayonlarında Taramçuk, Şırokıne, Novoselivka, Peski, Marinka, Gnutovo, Vodâne, Çermalık, Lebedınske ve Berezove civarlarında 17 kere atışlar olğan.

“Pivniç” bölgesi rayonlarında, Novoluganske, Zaytsevo, Luganske ye Svitlodarsk civarlarında 7 kere ateş açılğan.

İstiqbaratnıñ malümatına köre, işğalciler arasında üçü öldürildi daa dörtü yaralandı.

Menba UATV
tarih 12.07.2019
kategoriyalar Donbass
paylaşmaq
UA|TV top haberleri