11 ay içinde vizasız rejim aqqında 9 añlaşma tizip oldıq, – TİN

uatv
23.12.2019
Foto Ukraina TİN

2019 senesiniñ 11 ayı içinde Ukraina çeşit memleketlernen vizasız rejim aqqında 9 añlaşma tizdi.

Bu aqta “Apostrof” agentligine intervyü vaqtında Ukraina Tışqı işler naziriniñ devlet kâtibi Andrey Zayats bildirdi.

Onıñ aytqanına köre, yaqın vaqıtta Ukraina Grenada memleketinen vizasız rejim aqqında añlaşma tizmege niyetinde ve Meksikağa yolculıq içün vizalarnıñ lâğu etilmesi üzerinde işni devam ete.

Bunıñ ile kelecek sene diplomatlar Frenkistannıñ deñiz tışındaki bölgeleri ve departamentlerine barıp kelüv içün viza rejiminiñ lâğu etilmesini qazanacaq olalar. Al-azırda vizasız rejim tek memleketniñ qıta qısmınen çalışa.

“Ve KNR ile 10 yıllıq vizalar tayin etilmesi aqqında aytışmalarnı devam etemiz. 10 yıllıq viza ise – aman-aman vizasız rejimdir. Şimdi de Çinde Ukraina vatandaşlar vizasız belli bir vaqıt devmında (bir qaç kün) buluna blecek bir qaç bölge bar. Bu adetince turistik inkişafınıñ mıntaqaları ya da büyük tranzit ava limanları”, – dedi Zayats.

Oquñız: Bugün, dekabrniñ 22-nde, Ukraina ve Şimaliy Makedoniya arasında vizasız rejim aqqında añlaşma çalışıp başlay.

Джерело UATV
дата 23.12.2019
категорії TURİZM
поділитися
Топ новин на UA|TV