Çehiya Ukrainada qabarcılıqnen küreş ve KHV destegi içün €1,3 mln ayırdı

uatv
06.06.2019
Foto Ukrinform-UATV

Soñki eki yıl devamında Çehiya ükümeti Ukrainada qabarcılışnen küreş, KHV destegi ve insan aqqlarınıñ qoruvına baqtırılğan leyhalar içün €1,3 mln ayırdı.

Bu aqta Radio Praga haber etmekte.

Hususan, Kyivdeki Çehiya Elçiliginin grantlıq programmaları tahminen €627 biñ aldı. Olar arasında yerli cemaat teşkilâtlarınen ömürge keçirilgen 19 programma.

“Ukraina çeşit leyhalarnıñ sayesinde insan aqqlarına qol tutuv, qanun ve demokratiya üstünligi boyunca çehiya işbirlik programmalarınen eñ çoq desteklen memleketlerden biridir”, – dep ikâye etti Çehiya diplomatiyasınıñ başlığı Tomáš Petříček.

Bundan ğayrı, Çehiya tış işler Nazirligi Kramatorskta Donbass milliy qurucılıq ve mimarlıq akademiyasınıñ, Starobilskte Taras Şevçenko adına Lugansk milliy universitetiniñ ve Lviv devlet universitetiniñ ğayrıdan tiklenilmesine qol tuttı. Olar kelecekte de aliy oquv yurtlarımızğa yardım köstermege azır.

Menba UATV
tarih 06.06.2019
kategoriyalar TURİZM
paylaşmaq
UA|TV top haberleri